Reuters: “Carlsberg” Cənubi Qafqazda vahid biznes klasteri yaradır

Danimarkanın pivə istehsalçısı “Carlsberg” Ermənistan və Gürcüstanda butulka istehsalı müəssisələrinin alınması ilə bağlı razılıq əldə edib.

Şirkət yeni aktivləri Azərbaycandakı mövcud biznesi ilə birləşdirərək Cənubi Qafqaz klasteri yaratmağı planlaşdırır.

“Carlsberg” uzun illərdir Azərbaycan bazarında fəaliyyət göstərir. Ermənistan və Gürcüstandakı aktivlərin əlavə olunması şirkətə region üzrə istehsal və satış imkanlarını bir mərkəzdən idarə etməyə şərait yaradacaq.

Şirkət bildirib ki, yeni struktur Cənubi Qafqazda daha geniş içki portfelinin inkişafı üçün platforma rolunu oynayacaq. Bununla “Carlsberg” Azərbaycan, Ermənistan və Gürcüstan bazarlarında fəaliyyətini daha sıx inteqrasiya etməyi nəzərdə tutur.

“Carlsberg Group” Danimarkanın ən iri pivə və içki istehsalçılarından biridir və məhsullarını dünyanın çoxsaylı bazarlarında satır.

Reuters bildirir.